ROMA ETA REMORIA

Erroma eta Remoria elkarren artean senidetutako bi erakusketen multzoa da, Donostian eta Bilbon kokatuak. Lehenengoa Koldo Mitxelena Kulturunean, Gipuzkoako Artista Berriak programaren testuinguruan; eta bigarrena, bakarkako erakusketa bat BilbaoArte Fundazioan. Biek partekatzen duten tituluak Romulo eta Remo bikiak pertsonaiatzat dituen Erromako hiriaren sorrera-mitoari egiten dio erreferentzia. Remoria izango zen Remo sortuko zuen hiria, anaiaren eskuetan hil ez balitz.
Binomio hau erabiltzen dut, lehen erakusketaren kasuan, historia eta memoria birpentsatzeko, esperientzia batzuen hondar gisa, eta, aldi berean, esperientzia horiek lantzeko gai gisa, eta, horrela, hausnarketa edo esperientzia berriak sortzen dira, hainbat bideo, instalazio, performance eta eskulturatan forma hartzen dutenak.

BilbaoArte erakusketaren abiapuntua planteamendu bera da, historia material gisa ulertzea. Kasu honetan, Fikzioarekin erlazionatzen da eta aretoan sakabanatutako hainbat pieza aurkezten dira.